(عفوا مولانا الامام)
كلمات/صبري حسين
عفوا
مولانا الامام
فضيلتك مش مقصود بالكلام
فضليلتك مجرد وسيلة
للهجوم علي الاسلام
كل كام يوم
يطلعوا علينا اللي بيقولوا علي نفسهم تنورين
وهم في الظلام عايشين
عايزين يهدموا اصول الدين
شوفوا يا تنورين
ياللي قاعدين قصاد الميكروفونات
بتطلعوا علي الشاشات بالساعات
ياللي جيبوكم اتنفخت بالدولارارت
الدنيا قصادكم واسعة من جميع الاتجاهات
ليه كل كلامكم في اتجاه الدين ورجاله بالذات
ليه مش بنسمع لكم صوت
في الكلام عن أوضاع الناس
ليه مفيش حد يقدر يتكلم في السياسة
ولا الكلام في السياسة ورجالها حرام
كل الحلال الكلام علي رموز الاسلام
يا اللي بتقولوا علي أنفسكم تنورين
وبتوصفوا أنفسكم بأنكم مثقفين
ياليت تحترموا عقول المشاهدين والمستمعين
اظن أن اغلب اللي بيحارب الدين
للاسف الشديد منتمين للمسلمين
عايز اقولكم بقلب كله اطمئنان
المصريين بفطرتهم متدينين
سواء مسيحين أو مسلمين
عمرنا ما كنا علمانيين
الدين ورموزه خط احمر
افهموا يا مجرمين
عفوا
مولانا الامام
يا علامة الزمان
ياللي امتلكت سحر البيان
ماذا بينك وبين الله مولانا الامام
كل ما اجتمعوا عليك اللئام
سخر الله لك ملايين تحمل لك كل الحب والاحترام
معقولة ايها المجانين
بعد وفاته بخمسة وعشرين من السنين
يقولوا عليك داعشي راعي للإرهاب
الناس دي من غير عقول
بيتكلموا. اي كلام
كلام والسلام
ازاي يا مثقفين
فضيلة الإمام
يكون راعي للإرهاب
وهو علي مر كتير من السنيين
له برنامج في تلفزيون الدولة
بيشرح فيه القرأن وأحكامه
بيفسر كل آياته
سؤال بسيط يا متعلمين
هو فضيلته مش كان وزير مسؤل
اعقلوا كلامكم يا اصحاب العقول
وعندي لكم سؤال
ليه مفيش حد قدر يتكلم وهو علي قيد الحياة
كانت فين الشجاعة
ليه بتنهكوا حرمة الاموات
بالله عليكم استعملوا العقول
فكروا شوية قبل القول
ابحثوا عن حاجة غير الدين ورجاله
ياليت كل واحد يتكلم في مجاله
يامن تصفون أنفسكم بالتنوريين
ياللي بتدعوا انكم من صفوة المثقفين
للاسف انتم شوية متنمرين متأمرين
كل هدفكم هدم الدين
لكن الله سبحانه هو حافظ الدين
اتكلموا آلاف السنيين
سنوا كل السكاكين
الدين ورجاله دايما حاضرين
علي مر الزمان باقين
وانتم الي مزبلة التاريخ رايحين
عفوا
مولانا الامام
لو هفضل اتكلم
مش هبطل كلام
نام قرير العين
علمك باقي علي مر السنيين
ينور طريق السالكين
صوتك بيرن في الأذان
وانت بتفسر القران
رحمك الله مولانا الامام
يامن عرفت للجميع وسطية الإسلام
لا ينكر علمك الا كل لئيم
الحمد لله اغلب المصريين كرام
يحترموا ويجلوا رجال الدين
اخر الكلام
نم يا فضيلة الإمام
لك منا كل تقدير واحترام
صبري حسين
