بقلم محمود الدخميسي
غمضي عينك واحلمي
****************
غمضي عينك. واحلمي
هاتي ورقك وارسمي
قبل ما يفوت الميعاد وتندمي
خايفه ليه تحلمي
ارسمي حلمك لويني
أخضر. لون زرع الغيطان
وكمان لون السما
فكي لسانك اتكلمي
احكي حكايتك. اياكي تسكتي
ولا لحزنك تكتمي
فضفضي حتي لو بالدموع. من غير. ماتحشمي
غمضي عينك واحلمي
واكتبي رسايلك للقمر
انت روح. اتخلقت. للحب والشجن
اوعي تخافي من الزمن
ولا تستسلمي. للألم
ولا الندم. مهما كان التمن
غمضي عينك واحلمي
هاتي ورقك وارسمي
أنا مستني. وسط النيل بمركبي
مدي رجلك واركبي
هاتي ورقك. وارسمي
وبريشتك لويني
رسمت النيل. ومركبي
بسمت شفايفك فيها الديوان اتكتب
وضحتك صداها. عجب
ورحلتك ميعادها وجب
يبقي ليه الدموع من غير سبب
كلنا الناس شافت ضحكتك
لكن ماشافوش. الغضب
ااااه يابلد. ااااه يابلد
فيكي الظلم. اتزرع وتحصد
حصاده. فقر وجوع
والصوت فيكي ممنوع
اااه يابلد
القلب عليكي اتوجع
أرض شمس ونور
وحق الغلابه فيكي مهدور
ياعالم مين عليه الدور
ااا ه. يابلد. اااه يابلد
دم شهيدك راح هدر
وإن قلنا الحق فين
قالو غجر
وإن قلنا الحق فين
قالو. هو. دا الزمن
ونصيحه عليك بالسفر
العدل فين
اااه يابلد
حبك قدر
وجمالك نيل وهرم
وخيرك نالو إللي صبر
ارضك شمس ونور
اصلك في كتاب مسطور
يا كبير المقام. سعيكم مشكور
الدنيا فانيه. مش مستهلا غرور
اخرتنا حفره جوا السور
واااه واااه واااه واااه واااه يابلد
غمضي عينك واحلمي
هاتي ورقك وارسمي
شكل الناس الطيبة