سمر_إسماعيل
فى عيونه دمعة فرح ترقص وتتمنى
يسلمنى بأيده الأمينة وأنا أقوله يستنى
أبوس يا حبيبى عليها وتبوس ع رأسى
يا أغلى قلب إتخلق يا عزى بين ناسى
أبويا رسمنى صورة بطل وجفونه بروازى
وقالى يا سمر أنتِ عبايتى ، سبحتى وعكازى
حوشتكِ فيكِ للزمن ياما خوضت بيكِ مغازى
علمنى الصلاة ف وقتها ، حفظنى كتاب ربى
عودنى أعطى بكرم وأحط من دينى ع أدبى
كان دايما سندى ، أخويا ، صاحبى وأستاذى
أدانى سمعة الجنية الدهب ف الأصل والسيرة
وأمنى بأنى أول العين ماشافت ، بأنى الكبيرة
تواضعى لكل الناس يشيلوكِ فوق راسهم ..
وراعى ودهم وخلى عينيكِ حراسهم ..
وإن مرة عضكِ ندل سيبيه يدوق المُر من كاسى
ودارى ع شمعتكِ دارى يا كل لؤلؤى وماسى
_ من وحى قصة ( بيت عز ) من حكايات { الا أنا } _
#سمر_إسماعيل
#عشق_لا_ينتهى
