( قاعدة رومانسية)
كلمات /صبري حسين
بمناسبة عيد الفلانتين
اتفقنا انا وحبيبتي
نقعد انا وهي قاعدة رومانسية
وزعنا العيال على حماتي
قررنا نحتفل انا ومراتي
قعدنا انا وهي على الكنبة
بعد ما حضرنا كل طلبات القاعدة
فضلت خيركم طبق حلويات
تورتة على شكل قلب
مرسوم عليها سهم الحب
بيني وبينكم انا حاسس بالتقصير ناحيتها
قولت في نفسي عن اهمالي اعوضها
يوم بيجي مرة في السنة
نقضيه بفرحة
من الصبح بتكلمني بحنية
البيت كله فرح و ورومانسية
تعالي يا حبيبي اقعد جنبي
النهاردة اليوم كله من حقي
لا تقول أزور اخويا ولا اختي
النهاردة بتاعي انا
يا حبيبتي يا قلبي انا
انا ملكك طول عمرنا
انا لي مين غيرك انت
يا حبيبتي يا نبض قلبي
الله عليك يا حبيبي
يا ابو أولادي يا هناي وسعدي
اليوم ماشي تمام
كأننا عايشين في الاحلام
بتعاملني ولا شهريار
تتغدى يا حبيبي
ولا تستني شوية
سيبك من الاكل يا عنية
تعالي خليكي جنبي
تعالي ادخلي في حضني
الله عليك يا حبيبي
ما انت بتعرف تتكلم
طب ليه حرمني من كلامك
ليه دايما مشغول بالك
أقرب منك تبعد عني
اكلمك تقول موش طايق نفسي
طول اليوم مهدود في شغلي
رامي الحمل كله عليا
حقك عليا يا قلبي
بس انت عارفة ظروف شغلي
وبعدين احنا موش اتفقنا
نقضي يوم رومانسي
بلاش من بعض، نشكي
ولا على اي حاجة نحكي
خلاص ياعمري
اقوم اجيب لك حاجة تاكلها
استنى يا قلبي مع بعض نجهزها
ايدي تسبق ايدك
لازم في كل حاجة اساعدك
ربنا يخليك ليا قلبي
ده انت أميري وتاج رأسي
ربنا يخليكي ليا يا اميرة قلبي
اتفضلي يا مولاتي
السفرة منتظرة سموك
انا تحت امرك
ربنا يخليك لي يا اميري
يا نبض قلبي
مولاتي الاميرة
ايه رايك نتفرج على مسرحية
عايزين نضحك شوية
تعال هنا قرب مني
اشتغلت المسرحية
انا وحبيبتي على وشوشنا الابتسامة
ايدي حاضنة ايديها
احلى الكلام بنقوله
فعلا قاعدة رومانسية
من زمان كنا محرومين منها
فجأة واحنا بنتكلم
ظهرت على الشاشة
ممثلة حلوة
تقول حتة بغاشة
غصب عني عيني راحت عليها
لاقيت حبيبتي بتبص عليا
راحت متنهده تنهيده
الصوت الرومانسي
بقدرة قادر اتحول لصرخة
الوش الهادي
اتقلب بسرعة
الغضب اترسم عليها
نار من عيونها خارجة
عجباك السنيورة
مالك ياراجل
مش عارف تخبي
ده انت عنيك هتطلع عليها
حتى وانت معايا
عينك زايغة
تقولي نعيش الرومانسبة
يا غلبي من كل الرجالة
كلكم كدة بريالة
تريلوا على اي واحدة
مع ان اللي معاك ممكن تكون أجمل منها
يا حبيبتي ليه الكلام ده
دي نظرة بريئة
برىئة ايه
جاتلك ستين خيبة
يا راجل عايزة اقولك حاجة
كل اللي في السنيورة
حاجات عيرة
قبل ما تظهر على الشاشة
الف ايد بيساعدوها
عمرها ما بتعمل حاجة ب ايديها
اما انا يا نن عيني
شغالة كل حاجة
دادة ودكتورة
مدرسة وسباكة
طول اليوم شقيانة
اطبخ واغسل وانظف
على المدارس اجري اوصل
وجنابك ترجع من شغلك
عايز تلاقي البيت على سنجة عشرة
طبعا بعد ما تملي كرشك
محتاج تدلع نفسك
محتاج تشوف هيفاءوهبي
مع نانسي
بتتمنى تلاقي جواهر وصفنار
بالذمة ده كلام واحد عاقل
شوف يا حبيبي
مافيش حاجة صعبة علينا
ولا في حاجة مستحيلة
اي واحدة تقدر تعمل
كل اللي بيتمناه راجلها
بس زي ما قالوا في الامثال
كل فولة ولها كيال
عايزني اكون للاناقة عنوان
اهتم بنفسك انت كمان
انت عارف كل حاجة لها ثمن
افكرك تاني بالامثال
اللي قالوها زمان
اطبخي يا جارية
كلف ياسيدي
انا مستعدة اكون أجمل الجميلات
البس لك أشكال والوان
وفر موظف لكل وظيفة
اللي يطبخ واللي يغسل
خليني اعيش عيشة مريحة
حد يجيب لي الفطار على السرير
اللي يعمل لي باديكير
هات اللي تلبس واللي تقلع
خليني يا حبيبي عليك ادلع
فك كيسك يا روحي شوية
خلينا ندوق حلاوة الدنيا
يا حبيبي عايزة اقولك كلمة
انت كمان اهتم بنفسك
اجري شوية نزل كرشك
اهتم يا حبيبي بشكلك
ياحبيبتي لزمته ايه الكلام ده كله
والله دي مجرد نظرة بريئة
انا عارف انك ست عظيمة
مقدر كل افعالك
عارف انك ست جدعة
على ظروفي دايما صابرة
طول عمرك عايشة معايا على المرة قبل الحلوة
يا ست الكل يا حياتي
كفاية تقليب في الكلام
انا مش حمل ملام
يا حبيبتي انتي غالية عليا
انت كل ما ليا
انت زوجتي وأم اولادي
انت كل حياتي
ياحبيبي شبعت من الاونطة
انت زيك زي غيرك
كلكم عيونكم زايغة
على فستان عيونكم تجري بسرعة
انتو للخيانة عنوان
يا حبيبتي عيب الكلام
بتتكلم عن العيب كمان
فعلا مايملي عين الانسان
غير التراب
يكون عنده ست الحسن والجمال
لكنه يجري ورا الاوهام
يا حبيبتي ارجوكي اقفلي الكلام
عايزين نرجع بينا الابتسام
ابتسام ايه يا حبيبي
ده انت مخلي الدمع على خدي يجري
ياغلبي منك يا غلبي
قال ايه وانا كنت بمني نفسي
اني اعيش معاك لحظات رومانسية
فعلا انا طلعت اكبر مغفلة
انت عمرك ما عرفت الرومانسية
يا قلة بختي
كنت بحلم احتفل بالفلانتين
لي اسبوع بجهز نفسي
عمالة ارتب واسوي
من خيبتي وصلت العيال ل امي
كنت فاكرة هعيش اللحظة
وانا وحبيبي نقضي السهرة
نعيش اوقات حلوة
تضحك قلوبنا من الفرحة
اتاري ابو عين زايغة
تفضل عنيه زايغة
ده طبع عمره مايتغير
حتي لو البحر المالح خرج منه سكر
ياحياتي انت كل السكر
انت شهد مكرر
يا حبيتي عملتي ليه حكاية
كل الموضوع نظرة بريئة
لممثلة على الشاشة
عملتي منها رواية
سامحيني يا عمري
والله ماكان قصدي
انت حبيبة قلبي
اتعلمت الدرس خلاص
هكون في غاية الاخلاص
من النهاردة هقسم وقتي
هخصص اغلب وقتي
لبيتي واولادي
اتعلمت الدرس ياحبي
من النهاردة هكون رومانسي
ناخد مع بعض وندي
ياللا يا قلبي نعيش اللحظة
اقفلي بقى الصفحة
عاىز اشوف أجمل بسمة
يا حياتي انتي فرحة قلبي
اسمعي يا حبيبتي اخر كلمة
بحبي وحبك حياتنا تبقى هنية
بالحب أوقاتنا كلها رومانسية
تعالي يا قلبي نعيش اللحظة
تعالي نخلي ايامنا كلها فرحة
صبري حسين
13/2/2020
