قصيدة تاريخية
كلمات الشاعر الفنان رزق جادو
مصر ..دمياط
8 مايو عيد دمياط القومي
وسوف أحتفل بعيد دمياط القومي
بطريقتي ألخاصة
من لايعرف دمياط
يقرأ هذه الكلمات
دمياط
ياللي بتسأل .. عن دمياط
صلى على المختار الهادي
وإشرب من إيدي الشربات
وإسمع منى تاريخ اجدادي
دمياط طول عمرها بالذات
مهد العلماء والرواد
دمياط بلد النيل والخير
عروس الدلتا وتاج الوادي
طول عمرها بلد الأبطال
علما اطبا في كل مجال
لمصر الغالية مادة أيادي
ده مشرفة كان من النحيادي
وبنت الشاطئ بيتها قصادي
والكفراوي والشناوي والزيات
والهجان حقق لي مرادي
وابو فاشا وشوشة و ذكي محمود
أعلام رواد فوق العادي
وحلمي حديدي والمحجوب
صلاح منتصر وأبو زهرة
الغياتي والحمامصي وعمروسمير
صنعوا مجد عظيم لبلادي
عبدالمنعم قاهرالمانش
والفناجيلي وسمير زاهر
والحضري الحارس الموهوب
هتلرطنطاوي بطل مش عادي
مدكور أبو العز الطيار
فخر لكل نسور الوادى
درية شرف الدين وانعام سالوسة
وسهير البابلي وزاهي حواس
إعلام وأثار وتاريخ مش عادى
فاروق الباز . وضياء داود
فرحوا قلبي وسروا فؤادي
أردش والسنباطي والأسمر
شاركوا فى رفع الحلوة بلادي
حمدي عاشور والريدي وبدوي
قيمة وقامة لكل الوادي
شوقي ضيف ولطيفة زيات
فكر وعلم لكل أولادي
حبة ونوفل ويا البوهي
مين ينساهم في الدنيا دي
والسلاموني والديك والجندي
وسمير الفيل وحسن الراداد
وغيرهم ياما في كل مجال
خايف أعد يتوه البال
دمياط مجد تاريخ ونضال
منها الشهدا والابطال
وادي ياسمين يحيى وفي الحال
ضربت لنا في العلم مثال
و شويقة شهيد مش عادى
ضحى بنفسه علشان زملائه
وكان الحامي وكان الفادي
دمياط عمرها بلد الأبطال
أسروا أولادها لويس التاسع
قيدوا إيده وأصبح دامع
دفع الفدية ووطي في رأسه
فرحت مصر وفرح الشارع
عيد دمياط القومي نيشان
لاولاد مصر في كل مكان
اللي يطوف ويزور دمياط
يخرج منها فرحان راضي
موبيليا جميلة والجودة محلي
كل في حلاوة يلا وحلي
رأس البر هنا في دمياط
أجمل مصيف رايق هادي
فيه اللسان ملتقى بحرين
أجمل فنار هنا في دمياط
أكبر ميناء هنا في دمياط
نعمة من الوهاب العاطي
عزبة برج هنا في دمياط
أكبرأسطول صيد دمياطي
خبرة كبيرة عقول وأيادي
دمياط جديدة هنا في دمياط
مدينة راقية هنا في بلادي
دمياط منارة تاريخ نضال
طول عمرها بلد الأبطال
مهد العلماء والرواد
عروس الدلتا وتاج الوادي
لمصر الغالية مادة أيادي
ياللي بتسأل عن دمياط
صلى على المختار الهادي
وإشرب من إيدي الشربات
وإسمع مني تاريخ أجدادي
دمياط تاريخ بلد حضارات
فيها المعني والمينا
اللي يطوف ويشوف دمياط
يعشق شوارعها وضواحيها
علي العلم والأخلاق والدين
تلقي الدمياطية متعاهدين
كلمات الشاعر الفنان رزق جادو
مصر .. دمياط
