بقلمي…. سحر ابوالعلا
انا جاية النهاردة
اشكيلك
منك و احكيلك
ع اللي عمله
في قلبي هواك
و الجرح اللى منك كان
هتنصفني
و تجبلي حقي من قلبك
و لا هتجي عليا معاه
ما هو قلبك وانا عارفاه
قادر و هيقلب الآية
ظالم و يقول مظلوم
و هكون انا الظالم
غالب و هيعمل مغلوب
عشان اكون انا الغلطان
رد عليا متسكتش
انا عارفة انك ندمان
على اللى من قلبك كان
ساكت ليه.
سكت عشان قلبك غلطان
صعبان عليك تكون القاضى
و تحكم بينا
و لا عشان مانتش راضي
علي قلبك تبقي القاضي و السجان