كلمات/صبري حسين
قلب تعبته السنين
يبلغ من العمر اتنين وخمسبن
طول عمره عايش حزين
كل حياته انين في آنين
دموعه بتجري علي الخدين
بيحلم بالحنان
نفسه يعيش الامان
عايز كلمة واحداة مش اتنين
مين قال شاري. مين
من غير لف ودوران
انا مش في حالة هزيان
في ايه يا طيبين
ليه من افعالي مستغرببن
ولكلامي مش مصدقين
قلبي معروض في البتراين
بقاله شهور وسنين
الكل بيمر عليه مرور الاكرمين
يبص عليه بالعين
يقلبه بين الكفين
يقول حرام يا مسكين
عندك اتنين وخمسين
ولسه بتحلم بالحنين
ده انت قلب انسان مجنون
صاحبك اتمس من الجان
جن العشق اللعين
يا حرام يا مسكين
هاتقضي عمرك في الآنيين
لا هاتعرف شمال من يمين
تعيش بين الحيارة المتعبين
مقفوله في وشك كل ابواب الحنان
شوف يا مسكين
انت علينا صعبان
لكن ده شغل الجان
مين يقدر عليه مين
بتقول بقالك اتنين وخمسين
عايش وحيد حيران
مش عارف توصل للشطآن
طيب بعد كل دي السنين
ايه اللي فكرك بالحنان
ايوة بقالي سنين
بس تعبت من الحرمان
هو انا مش انسان
نفسي اعيش الامان
ارتوي من انهار الحنان
عايز ارتاح من تعب السنين
وادخل مدن العاشقين
نفسي اعيش انسان
صبري حسين
2018
