كولر مع الأهلي غير
كتب / إبراهيم رجب السمالوسي
كولر خلى الاهلى يلعب مباراة مع ريال مدريد الناس طلعت بعديها عامله فيديوهات لفرص الاهلى وبتقول يا خسارة ضيعنا الماتش
خلى الاهلى يلعب مع بطل امريكا الجنوبية يعنى كواليتى اعلى منك جيم طبيعى كأنك بتلاعب فريق فى الدورى وجاتلك اكتر من فرصة انك تقتل الماتش لكن الكواليتى يحكم
رغم ان عندى تحفظات فنية على كولر فى ماتش فلامنجو لكن كولر هو المكسب الحقيقى للاهلى فى البطولة .. وبالنسبة لى دى اقوى مشاركة للاهلى فى بطولة كأس العالم للاندية
ماكنش فيها ولا ماتش لعبته بشكل شرفى او بشكل ودى .. مافيش ماتش كنت نازل تحافظ على التعادل مافيش ماتش كنت نازله وانت خسران من قبل ما تلعب .. لاخر لحظة بتحارب وعاوز تفوز وتسجل وده كان ليه ضريبة انك تستقبل 8 اهداف فى ماتشين
كولر لو معاه كواليتى اعلى واخد دعم كامل من الادارة ممكن يبقى سبب فى تغيير عقلية فريق الاهلى مستقبلا وربما تغيير عقلية اندية تانية فى الكرة المصرية
وفى النهاية .. اللى كرة القدم بالنسبة له نتيجة ينسى الكلام اللى فوق ده كله
