بقلم : تيسير حافظ ياسين
وماشي وخطوتى تقيله
وشايل عمري بالتيله
وعمري ضاع بجد وهزل
ووفاتت السنين قوته
كأنى بحكي حدوته
وتوته توته جه ميعاد التوهه والترحال
ولا عالبال وناسي ودنيتى خدتنى
وسط الطريق وفاتتنى
اه يانفس اماره ودنيا كمان غداره
وسبتينى أأسي مر الفراق
وأنا يشتاق أرجع لصبايا ولو يوم
خلاص محسوم الأمر
والفراق أمر
ورابط رجلى وإديا
وماشي وعينى مغميا
بدور على ال ضاع فيا
وملقتهوش اما الوقت متحسبهوش
دا حافر فى الزمن منقوش ومتعدوش
دا العمر محسوب بالثانيه عند ملك
الموت وعدى وفوت وسابق فى الزمن واتغر
وأنا مضطر اقولك الزمن غدار
متحسبهاش ياولدى هزار
ودى اعمار وعمرك ياولد محسوب
كأنه إنذار