مش محتاجكم
بقلم الشاعر اللواء محمد هيكل
مش محتاجكم و لا يعنيني … أسمــع منكـــم يـوم و لا كلمة
ربنا وحده ب فضله غانيني … عن ناس جــوه قلوبهم ضلمة
ناس حبيتهم قـوي بضميري … ناس إديتهـــــــم يامــــا كتير
ناس عاشوا طول العمر فخيري … بس مشوفتش منهم خير
مش محتاج ل ضماير ماتوا … و لا محتـــــاج أبـدا خاينيــن
واللي معاه ربنـــا في حياته … عمـــره ما يحتاج بني ٱدمين
أيـوه بدونكــم هبقى الأحسن … دنا بوجودكــم عشت وحيد
أنا ف بعادكم عمري ماهحزن … أنا كسبان طول ماانتو بعيد
أكتر ناس كلوا عيشي وملحي … وعشت شايلهم جوه العين
أول ناس سقفـوا على جرحي … دول يتٱمنـــوا إزاي بعدين
ياللي شربت معاكــــو كفــايه … كل الغـــــدر اشكال و الوان
مبقـاش ليكـو عتـاب جـــوايا … مبقـاش ليكم عندي مكـــان
مش محتاج ل ضماير ماتوا … و لا محتـــــاج أبـدا خاينيــن
واللي معاه ربنـــا في حياته … عمـــره ما يحتاج بني ٱدمين
الشاعراللواء محمد هيكل
