بقلم شيرين غالي
نور فتاه جميله بنت العشره أعوام ملاك على الكرسي المتحرك، نور كلها طاقه وأمل وتفائل وملكة الضحكة والطاقة الايجابية، كل اللي بيشوفها بيحبها على طول …عشان ضحكتها مليا وشها.. وجاء على لسان والدتها (.بنمشي في الشارع كل الناس بتبص عليها بتسألني ليه يا ماما بيبصولي اقولها وبمنتهي الثقة عشان انتي مميزة… بتعمل كل حاجة واي حاجة…. جواها طاقة كبيرة انها اقوي من العالم كله… صحيح اعدة علي كرسي متحرك بس كل الناس بيقولو عليها فراشة طايرة *اول طفلة موديل علي كرسي متحرك *بتلعب سباحة *بتجري في مراثون بالكرسي المتحرك
*شيف بتعمل فيديوهات طبخ
*بترسم وتدخل مسابقات وتكسب
*فاشون موديل
*داخلة مسابقة جمال اطفال
*بترقص علي الكرسي وتعمل فيديوهات
*مشتركة في فرقة كورال الموسيقي العربية
*بتتعلم بيانو
كل دا ومتفوقة دراسيا والحمد لله
ودا يثبت للعالم كله ان الطفل المعاق قادر علي المستحيل
اسميتها نور وهي نور الدنيا وفرحتها… انا بس نفسي اوصل رساله لكل أم من زوي الهمم ابنائنا كنز حقيقي في حياتنا تقدري تتميزي بيه ويبقي فخر ليكي في الدنيا وباب من ابواب جنتك في الاخرة
