إبراهيم ##منصور #بدر
……………………….
( 1).
كإن ..
العمر متسمّر..
مالوش..
يكبر ،،
وﻻ يصغر!
كأنّى..
ف صورة عالحيطه..
بروحى ،،
وجسمى..
متفرّق ف ميت حتّة..
كفوف الإيد بتتلوى ..
على باب الرجا للرب،،
وقلبى ..
مثبتة سهمين..
ف حيطة..
مشرخاها دموع ..
مقاديرى!،،
وأنفاسى..
بتدخل..
صدرى زي الشوك،،
وأقدامى ..
ف وحل الموت..
بتندهنى..
تعالى نموت!..
دى ناس تصاوير..
مفيش ..
ف عروقها نقطة دم!.
………………………………….
(2)..
صدّقتى..
إن الحب يقتل؟..
هتصدقى هتصدقى..
الحب جوايا التحام..
بالروح،،
وبالقلب الجسد ..
مش عين ..
بتتلذذ بشهوة،،
وﻻ ارتجافة على الشفايف..
دم الحياة منّى أنسحب ..
من قبل عمرى ،،
والموت بموت ..
لومات وجودى..
ليه يعيش ..
جسمى ف حدود ..
متسعش ضلّى وﻻ انفعالى؟..
غريبة جدا..
إخترتى سكة..
تروحى فيها.
مترجعيش!،،
وإيه ممنوع ..
على قلبِك مفيش غيري !..
عشان الجفن بيغمض،،
وبيناجى اﻹله طيفك ..
يمر عليه!.
……………………………….
( 3)..
انامش مصدق ..
إن أنا بعمل كده؟..
مش من فراغى ..
راجعى الشريط..
شوفينى فيه،،
وشوفى نفسك..
هتﻻقى قلبى بين ايديكى..
وإنتى نازلة عصر فيه؟..
خلتيه يكره حياتى..
قتلتى إنسان بين ضلوعى ..
كان بيستنانى فيكى؟..
أنا الضلع اللى يوجعنى..
واكونله طبيب وميطيبشى..
يصمم إنه يقطعنى..
حلال دفنه ووقوفى فوقيه!.