بقلم د. نجوان حسنى
ناس تختشى وناس ترتشى
وناس كدبها سابقها
ومهما قالت عنك محدش راح يصدقها
عشان نجاحك حارقها
وايمانك بنفسك فارسها
ناس تحطمك وتحاول تكسرك
وناس ترفعك وتقدرك وتعليك وكمان ترقيك
ناس تخذلك وتهدم فيك
وناس تعجبك وتحارب عشانك
وتحفزك وتنور لك طريقك
ناس تصون وناس تخون وناس عليها العشرة تهون
ناس تفرحك وناس تجرحك وناس لو بإديها كانت تدبحك
ناس تنصحك وناس تضلك وناس فى جهنم عاوزة تحدفك
ناس فى وشها ضحكها وناس قالبه وشها وناس ما يعلم بقلوبها غير ربها
ناس تدعيلك وناس تكيدك وناس من حقدها تنكر خيرك
ناس تحبك وتشترى ودك وناس تعاديك وتذم فيك
وناس عمرك ماتكسب ودها حتى لو مت
من أجلها
ناس بالحب تلاقيها وناس الغدر مليها
وناس يحتار امرك فيها ناس الخير مليها
وناس الشيطان ساكن فيها وناس ندعى ربنا يهديها .
الدنيااا عبارة عن ناس و نااااااس
