بقلمي سحر ابوالعلا
قعدة و الجورنال فى أيدها
و ماسكة بالتانية الفنجان
و باقة ورد صايناها
كأنها جاية من البستان
كأن لا عدي عليها خريف
و لا زارها شتاها كمان
و لسة حافظاله مكانه
و تملي تطلب فنجانه
و تقول جايز تايه فى العنوان
غريبة القصة و عجيبة
بريئة و غلباها الطيبة
بتصبر روحها بحكاية
كان مرة حكاها لها زمان
بأنه آخر الفرسان
و جاي بحصانه يخطفها
لجنة جميلة من الأحلام
و كل يوم بتستني
فى نفس الساعة زي زمان
و نفس الصفحة فاتحاها
ما هو اصله يوما كلمها
و عشمها قبل ما تخلص الصفحة
هيجلها راكب على الحصان.
