والد زيزو مرتضي منصور أب لكل زملكاوي
كتب نظير فؤاد
– بشكر معالي المستشار مرتضي منصور لانه اب لكل الزملكاويه وكل اللاعيبه .
– احنا معملناش غير الواجب ؛دايما كنا بنقول انا وزيزو احنا بنشتغل عشان نسعد الناس .
هكذا بدا سيد مصطفي والد زيزو حديثه بعد لقائه مع المستشار مرتضي منصور رئيس نادي الزمالك
– القصه مش قصه ان انت بتلعب كوره قد ما ناس كتيره بتنتمي وتتعلق بالنادي بتاعك الجمهور هو اللي بيشجع وبينتمي وبيفرح لما تكسب وينام زعلان لما تخسر فكان لازم نراعي بغض النظر مصالحنا الشخصيه فين قد م احنا نراعي الجمهور ده هو عاوز اي .
– لما كان في نداء من الجمهور كنا لازم نلبي النداء ونشوف طلبات الجمهور اي .
– بشكر معالي المستشار علي استقباله لينا النهارده ف النادي وعلي كل الكلام الطيب اللي قاله ف حقنا .
– حقه علينا وحق كل الناس علينا اننا لازم نرد جميل نادي الزمالك علينا الزمالك له فضل كبير ع زيزو وكل ما وصل له وكل اللي هيوصله الفضل كله يرجع لنادي الزمالك .
– قبل ما ييجي زيزو مصر مكانش حد يعرف زيزو ممكن يكون كان معروف ف الخارج ف اوروبا والفضل يرجع لنادي الزمالك .
– دا رد الجميل علينا احنا مش محتاجين شكر احنا محتاجين نشكر الزمالك وكان لازم نقف جمب النادي ف الوقت ده .
