ابراهيم منصور بدر
{1}..
من كف ..
شربت القهر..
من كف..
شربت الموت..
من كام قدّام ..
بتخاف يابرئ!..
عند أوّل حارة سد
حسّيت بإيد
بتغمّى قلبك..
بتشد نبضك..
تخبطه..
يوجع ف صدرك!.
………………………………….
*{2}..
شكل الشوارع ..
ناسها بالليل والنهار..
مولد ،
ودار..
من دار لدار..
شرّد كتير..
من جيل لجيل!.
كف القتيل..
بقى كف قاتل،،
حلم المسافر..
ينسي شكلك..
بالهوان اللى اعتراكى..
حلم اللى عايش ..
وسط عصفك..
يقتلك ،،
ويموت معاكى!.
………………………………..
*{3}..
حتّى..
اللى حسيت إنّها..
حسّاك وساكتة..
عاجز..
لسانك عن نداها؟..
صورتك..
قصاد وش المراية..
كإنّها..
صورة لشوارع..
شبابيك بيوتها مكسره..
صوره باهته..
محجّره..
مفيهاش حياه!..
حواليك ..
بتترص القوالب،،
وأنت بين..
مغلوب وغالب..
شبه غايب!…..
#إبراهيم #منصور #بد