سحر ابوالعلا
و آه يا روحي هجراني
و سيباني
فى ليل الوحدة انا بعاني
سافرتي بعيد و فيتاني
تايه و سط أحزاني
و بايعاني…
بدور جوة منى عليكي ملقتكيش
قولولي يا روحي بس ازاي
من غيرك راح اقدر اعيش.
و آه…
و آه يا روحي بندهلك
و اني بجد مشتاقلك
تعودي ليا من تاني
عارف كتير انا جرحتك
و عذبتك و لوعتك
لكن مش ذنبي
و لا ذنبك.
رحلتي بعيد….
رحلتي بعيد و من غيرك
انا رفيق السهد و التنهيد
صاحبت الليل …
صاحبت الليل لكني وحيد
و آه…
و آه يا روحي لتعودي
احس معاك بوجودي
اسير ….
اسير انا توهتي وشرودي
أمانة يا روحي لتعودي
أمانة يا روحي لتعودي.
