و كل ما اقول خلاص توبة

بقلمي …سحر ابوالعلا

و كل ما اقول خلاص توب

قلبي يقدم اعذاره

و يقول خلاص اخر نوبة
و اقول هيتوب عن افعاله
يرجع من تاني و يشتاق لك
يهجرني يروح يسكن قلبك
و انت كعادتك
قاسي و بتقسي على قلبي
يرجعلي يقول يانا يا غلبي
افتح له ضلوعي و اخبيه
و اداوي جروحه واداديه
ما هو قلبي و مين غيري يضمه
و مين فى قساك يحمل همه
و ياريت يتعلم من جرحه
ميجيش من تاني و يشتاق لك
و يسبني و يحضن نار حبك
و يعود يبكيلي و يتوجع
و انا الملم فى جراحه و اداوي
ما هو قلبي و مين غيري يضمه
و مين فى قساك يحمل همه.