ومتزعليش

 كلمات الحسيني الطاهر
ومتزعليش ومتحزنيش
إفردي شدي قلوعك
إوقدي يمه شموعك
وأُنشري الفرح ف ربوعك
مستحيل أنا أشوف دموعك
بعْدِيهَا يمه إزاي هعيش
متزعليش ومتحزنيش
كلنا خُدام جنابِك
أحبه دايبين ف ترابك
حلفنا هنحقق مرادك
من شيوخك ولشبابك
شعب شرطة قضاء وجيش
متزعليش و متحزنيش
ومتزعليش لو عدى يوم
أسود حزين كله غيوم
أهو يوم يعدي
وموش بيدي
لكن ده وعد
وهوفي بوعدى
حوهبك بدل الهموم
فرحة كبيرة متنتهيش
متزعليش و متحزنيش
السلام هوه يراعيكِ
بالأمان يمه راقيكِ
ده اللي زعل يوم عِنيكِ
واللي جه مرة عَليكِ
واللي جرح في إيديكِ
دول علىَّ ومتقلقيش
وهخلي كل الدنيا تسمع
اللي فاكر مصر مرتع
اللي خَلْيَّ عِنيكِ تدمع
هجيبة يمه و هيجي يركع
وإنت شامخة متطاطيش
ومتزعليش ومتحزنيش