كتبت/ ولاء خالد
التأتأة ممكن الطفل يكتسبها من سن سنتين ل5 سنين وتفضل معاه فتره وتخلص…أو تستمر وتحتاج للعلاج.
طب يا ترى ايه العوامل اللي ممكن تساعد في التخلص منها سريعًا في حالة ان طفلي بدء يتأثر بيها؟!
1) تجنب مقارنته بأي طفل قريب منه أو بأي شخص عموماً…خاصة وقت ما يتطلب منه أي عمل معين أو مساعدة بسيطة.
2) المحافظة على اتصال العين وقت الكلام معاه..ومحاولة تغير تعبيرات الوش بطريقة تدل على الإهتمام بكلامه والانتباه ليه.
3 التحلى بالصبر معاه قدر الإمكان، ومحاولة توفير جو هادئ ومستقر في البيت يساعد على استقرار نفسيته.
4تجنب التصحيحات، أو الإنتقاد والتعليق وقت حماسه أو وقت كلامه عموما…زي “اتكلم ببطء، خد وقتك، خد نفسك وأنت بتتكلم…وغيره”
5) الابتعاد تماماً عن مقاطعته أو إجباره بإنه يعيد كلام أو يغيره، أو انتقاده بأنه يفكر قبل الكلام…ده بالإضافة لمحاولة الكلام معاه بوضوح وببطء وقت الكلام معاه أو مع غيره في حضوره.
التأتأة في الغالب لو استمرت مع الطفل لفترة طويله بتسببله حاله من الانعزال وقلة الكلام وضعف الثقة بالنفس.
عشان كده لازم نحاول نساعده في التخلص منها بأهم عامل واللي هو “السماع”….اسمع لطفلك من غير ما تحسسه انك زهقان أو حاسس بملل، أهتم بتساؤلاته البسيطة وجاوب عليها…وشوف بنفسك التغيير في شخصيته قبل اي حاجه
أعجبني
تعليق