بلاش نهدر وقتنا
كتب /مجدي عبدالله
الشئ الذي لا يمكننا استرجاعها هو الوقت لأنه عندما يمضي ويضيع لا نستطيع استرجاعه، وكلنا نهمل كثير من أوقاتنا، وأصبح لدينا العديد من أدوات ووسائل إضاعت الوقت، منذ أن أمسكنا بهذه الهواتف التي قيل أنها ذكية، نعم نهدر أثمن ما نمتلك في لا شئ، فهل فكرت في استغلال وقتك حتي وانت ممسك بهذا الجهاز اللعين؟ هل تستطيع إدارة وقتك؟
تعالوا معا نقرأ هذه الفكرة الجميلة ماذا لو معاك موبايل وهاند فري؟!
تقدر تستغل جزء من وقتك بعمل جميل جدا تخدع به نفسك الكسولة ، اتبع هذه الخطوات معايا
– هات أكثر سورة من القرآن مقربة لقلبك – اختار أكثر شيخ بترتاح لسماعه – حمّل السورة بصوت الشيخ ده
– شوف مدة الفيديو أو الصوت أد ايه، وحدد حاجة تنجزها خلال الوقت دا، وابدأ اعملها وأنت بتردد مع الشيخ، تعالى أشرحلك الموضوع بشكل تاني
لو انت كنت عايز ترتب البيت مثلا
– جبت سورة من سور القرأن بصوت شيخك المفضل اليك
– حملت الفيديو ولقيت مدته 20 دقيقة حددت إني أخلص الأوضة والصالة والمطبخ في ال 20 دقيقة دول
– حطيت الهاند في ودني وشغلت السورة وبدأت ترويق وترديد مع الشيخ
لمدة 20 دقيقة من دون ما أحس بالوقت لقيت إنى خلصت ترويق الأماكن اللي حددتها ولقيت السورة انتهت
– لوكررت الأمر من جديد ولكن مع تحديد مهمة جديدة حتلاقي نفسك أنجزت عمل واستفدت من وقتك لأنك في خلال ال 20 دقيقة
1_روقت البيت
2_قرأت سورة من القرأن
3_ خليت وقتي مُبارك فيه
4_ مسمعتش أغاني ولا ضيعت الوقت علي الفاضي
وأحب أبشرك إن بعد وقت مش طويل، هتلاقي نفسك حفظت السورة بمجرد ما رددت بس مع القارئ
ودلوقت جه دورك هل حابب تستفيد من وقتك وتحافظ عليه ومش كده و بس حتعمل وتنجز أعمال كتير، يلا كده وأحنا في الأيام المباركة لشعبان ورمضان نحاول مع بعض نعمل حاجه حلوة ، وكمان حنرشح لك بعض التطبيقات ( ابلكيشن) تساعدك لو عاوز تحفظ القرآن الكريم، أو تثبت حفظك للقرآن بتختار منه صفحة أو المقدار اللي عايزين تحفظوه وتختار صوت الشيخ اللي بتحبوا تسمعوه وتحدد عدد مرات التكرار كام مرة 5 مثلا أو أي عدد انت عاوزه اسمه تحفيظ القرآن الكريم Tahfiz
https://bit.ly/3KjuURV
وكمان تطبيق ” أنا مسلم ” الأهم بلا منازع ” القرآن ل 83 قارئ – تفسير تحفيظ – خطب صوتية سبحة الكترونية – القبلة
https://bit.ly/3Kjmo56
وكمان التطبيق الأول والوحيد الذي يمكنك من اختبار حفظك لآيات القرآن الكريم عن طريق التسميع الغاء الدفع وجعل النسخة بالكامل مجانا لوجه الله – اضافة تسميع
https://bit.ly/3Z46nnO.
يارب اكون في الهمسة ده قدرت أقدم لكم حاجه مفيدة تنفعنا كلنا وعلي فكرة لو شايف أن موضوع القرأن ده بيخص المسلمين أو ناس تانية ممكن تطبق علي نفسك الفكرة برضة بسماع حاجه تفيدك ….. فهمت ولا لسه
