تجارب

بقلم : إبراهيم منصور بدر

{1}..
الفرحة..
يوم الحب اللى مجاش،،
والدّمعة..
أوقات من كتر ساعاتها..
بقينا منحسبهاش..
العمر سعيد..
العمر حزين ..
العمر محيّر بين الاتنين..
ف الآخر ..
رايح كلّه بلاش،،
وعشان كده ..
بتبسم وانسي،،
مهما يكون..
جرح الاحساس!.
……………………………..
{2}..
استنُّونى..
القصه الجيّة..
حواديت حيَّة،،
تهز ضلوع..
الارض دموع..
ممنوع..
مش ممنوع،،
والمانع..
مالهوش..
تأثير عالموضوع..
ضرْب الودع..
قال الجدع..
مبقاش مكانه على اليمين؟!.
…………………………….
{3}…
متعوِّده الأيّام ..
على طبع البشر!..
وقت الرجوع ديما مفاجئ..
دم المبادئ..
وقت ميفور ف العروق..
بيشد طوق..
الحلم من بحر الوجع..
لشطوط دفا ..
قلب الطريق ..
بيضم دمعات الضعاف!
……………………………
{4}….
تسألها حب..
تقول بحب..
توهبها نبضك وابتسامك..
يبدأ غرورها الوسوسة،،
تسمع كلامه وف النهاية..
الفرقة..
من غير وشوشه!.
……………………………
{5}…..
كل الظروف دايرة
عكس الحروف المخلصة..
ارض الغرام بايرة..
جفِّت سواقيها،،
واللى اختار ..
من غير ميفكّر ..
سكة عشق…
مركون..
على اطلال الماضي
اللى لاعاشه ف يوم،،
ولاشافه،،
ولا طال منه..
غير الحرق
ف برد الحلم..
اللى مالوش مطرح!.
……………………………………..
{6}……
انا مش بجرح،،
ولامحتاج..
انى اجرح حد..
بعد السما ..
عن حضن الارض..
ف غمضة شمس الروح ..
بتغرّب..
الجارح،،
وتنسِّى المجروح..
مش مسموح..
لخيالى وحسي..
بمكان مع حد بحبّه..
كل اللى اختار..
قلبى وحبّه..
مستناش ويَّاياكتير!..
إنتى،،
وغيرك عبر سنينى..
مقدمتوش،،
واخدتوا كتير ،،
كنت ف كل حكايه مصدق..
إنّي بعيش..
مع حب أخير!.