محلاوي وافتخر رغم اني منكسر
كلمات عبير هلال محمد
خسرنا واتوجعنا
وكلام كثير كدا قولنا
حسينا بكسرتنا وضاع املنا
كنا رايحين بهيبه
وامل وصحبه جميله
بندعي الله يوفقنا
ونرفع رايتنا بنصر
شفنا العجايب
والحاضر في الملعب غايب
ومفيش قلوب متحده
والعيون كانت تايهه
وضاع الامل من تاني
والكل صرخ اه ياني
ليه يا فرقنا ضيعت احلامي؟
دانا ليكم دعيت
بصدق واتمنيت
تكون في الصفوف الاولي
وترجع برأيه مرفوعه
العيب في مين قولوا ؟
فيكم ولا فينا ؟
املنا كان كاذب
ولا كلامكم لينا ؟
بس هفضل احب بلدي
وهفضل وراكم بعزمي
نرجع تاني لقوتنا
ونهد جسور الهزيمه
ونبني تاني العزم
وتعدي بحور وسنين
ونرجع بافتخار
وهقول انا محلاوي
وعلي العرش هفضل باقي
ومش هستسلم لاي انكسار