تحليل لمباراة الزمالك وسموحة
شيكابالا إعادة افتتاح مدرسة الفن والهندسة
متابعة: محسن قريطم
مباراة رائعة للزمالك لعبا ونتيجة بقيادة المايسترو شيكابالا… يعود بها الزمالك للفن والهندسة
اوسوريو يبدء بخطته المعتادة لكن بأداء مختلف من جميع اللاعبين يكفي ان استحواذ الزمالك زاد عن 80 ٪ اغلب فترات الشوط الاول ،النتيجة انتهت 3 كانت قابلة للزيادة بضربة جزاء ضائعة من زيزو
شيكابالا عالمي يعود بأزهي صوره
هدف و2 اسيست وبري اسيست واداء اكتر من رائع طوال المباراة
-زيزو وشلبي وعمر جابر والمثلوثي وفتوح اداء ممتاز جدا
اداء جيد من دونجا والزناري والجزيري ونداي ونيمار بعد نزولهم
اداء مميز جدا جدا من روقا واوباما الحقيقة بيقدم احسن اداء ليه من ايام جروس و فايق جدا وعامل فرق كبييير في تشكيلة الزمالك… وروقا الي ياما راهن عليه اوسوريو اخيرا بدء يجني ثمار صبره بأداء ممتاز من روقا في نص الملعب
الزمالك مسيطر ع الكورة بطول وعرض الملعب واستحواذ ولعب واهداف وفرص وده الحقيقة يتحسب لاوسوريو الي رجع لعيبة لمستواهم زي روقا والزناري ودونجا وعمر جابر واكتشف من جديد فتوح واوباما وطبعا ثقته في المايسترو شيكابالا وانه يديله 90 دقيقة ويسيبه يمتعنا كلنا
سلبيات:
-ضربة جزاء من زيزو تضيع.. صحيح النتيجة في صالحنا… بس مينفعش لاعب دولي يلعب البنالتي وحش كدة…. وبعد التغييرات حصل ربكة نتيجتها جون في الزمالك وعودة سموح باكتر من فرصة
-التغييرات اتأخرت الشوط التاني وخروج ثلاثي قلب الملعب مش كويس ابدا وكان لازم يتم بالتدريج ويمكن النتيجة سمحتلك تخاطر المخاطرة دي
-البدء من غير رأس حربة صريح مش محبوب ومش منطقي… حتي لو النتيجة خدمتك…. ولو اوباما افضل من الجزيري ومنسي يبقي أنت لازم تدور علي راس حربة فورا… لان اوباما افضل كتير تحت راس الحربة
عموما نتيجة واداء مميزين وليلة جميلة للزملكاوية.
