بقلم : فهيم سيداروس
أبنتى أميرة
( الأولى على الثانوية العامة ) وبنت القيادى الاخوانى المسجون …
ألف مبروك تفوقك وربنا يباركلك فى نجاحك .. وعقبال الدكتوراة .
تأثرت جدا لما سمعت مداخلتك على قناة الشرق الإخوانية مع المذيع محمد الناصر ، وأنتى بتقولى( كان نفسى بابا يكون معايا ويشاركنى اللحظات دى ) ! .
فعلا معاك حق … وجود الأب فى هذه الحظة مع أبنتة شىء لايوصف ، ولايعوض ..
بس سأسرد لك حكاية أربع أميرات فى سنك ، هم كذلك نجحوا اليوم ، و … بتفوق مثلك .
1.الأميرة الاولى :
هى كان نفسها أبوها يكون معاها النهاردة ؛وتري دموع فرحتة بنجاحها فى عنية ؛ ولكن للأسف أستشهد فى رفح إثناء الإفطار ساعة الأذان فى رمضان …
وبالمناسبة يا أميرة أنتى تعلمين جيدا
من قتل أبوها ؟ ولماذا ؟ وكيف ؟ .
2.الأميرة التانية :
كانت بتحلم بحضن والدها يوم نجاحها ؛ ولكن للأسف والدها توفي سنة 2013م فى إنفجار مديرية أمن الدقهلية .. وكان يسير فى حالة لابة ولا علية وراجع لها هى ، وأخواتها بالعشا
وطبعا يا أميرة أنتى تدركين من فجر المديرية بما فيها ؛
ومن كان شمتان ، وبيزغرط ساعتها من الفرحة .
3.الأميرة التالتة :
هى وحيدة أبوها ، وكانت قرة عينة ولكن للأسف ؛ لم يلحق أن يفرح بنجاحها اليوم لأنة مات فى أحداث الأتحادية بعدما قاموا بحرقه وسحلوة ع الأسفلت … وبالمناسبة يا أميرة أنتى تدركين جيدا من قام بهذا الجرم في حق أبوها ومن سحلة .
4.الأميرة الرابعة :
طالبة ممتازة ، ومتفوقة مثلك ؛ وطول عمرها كانت تحلم بهذا اليوم وبعذه اللحظه للحصول علي مجموع طب وتفرح أبوها .. لكن للأسف جصلت علي المجموع ولكنها لم تفرح أبوها لأنة أستشهد فى مجزرة قسم كرداسة ،
وأتمثل بجثتة بعدما ألقوا علية وسقوه مياة نار ؛ ومات ونفسة فى نقطه مياه تلمس فمه ، وكان صايم … وطبعا أكيد يا اميرة أنتى عارفة من عذب أبوها ؟ ومن ألقي علية هو ، وإحدي عشر شخص غيرة مياه نار .
وفي أميرة كانت أجمل بنات الدنيا ووحيدة أمها وألقيت من الدور الخامس وهي حيه وانتي عارفه مين عمل كده ، وكان نفسي أشوفها وأحضنها في اليوم ده
وفقد الأمل بأن أراها غير في أحلامي
أعطيني رأيك يا أميرة… ؟
حاولي معي نرجع لهم أبائهم ولو ساعة زمن واحدة ، يفرحوا فيها ببناتهم ويشاركوهم هذه اللحظات ؛
وبعد كدة يرجعوا ،
وأوعدك ساعتها والدك هيرجعلك ويفرح معاك ويشاركك أحلى اللحظات ..
وأوعدك ساعتها سيادة الوزير هيتصل بيك يهنيك
وأوعدك ساعتها إننا لم نزعل من كلامك علي رئيسنا ..
وكما تتمنى رجوع بابا ربنا يخليه لك ويرجعه لك بالسلامة ، و يشاركك فرحتك .
و(عايشة على الأمل) ؛ توجد أميرات غيرك كتير أوى بيتمنوا نفس الأمنية بس للأسف( عايشين من غير أمل) .