رحل سائق الطريق الإقليمي ومعه 18 فتاة شهداء لقمة العيش
مصطفي نظمي
لاحديث إلا عن حادث الطريق الإقليمي بالمنوفية طريق الخطاطبه ذلك الطريق الذي اطلق عليه ابناء المنوفية طريق الموت فلقد رحل بسببه مئات من أبناء المنوفية بسبب خطأ فني تقني في تصميمه دون حساب للشركات المنفذه او إجراء إصلاحات به وإيجاد طريق موازي لحين أصلاح تلك المشكلات الفنيه.
لقد فقد المنوفية وبعض مستخدمي ذلك الإقليمي عدد ربما يقترب من شهداء حرب أكتوبر فعليا دون تحرك فعلي من حكومه لا هم لا إلا تصدير كثير من الأزمات للمواطن المصري كي يظل يلهث خلف مشاكله الحياتية طول الوقت.
للى مزعلني من الصبح ان العربية دى كانت جايبه عمال بنات و اطفال بيشتغلوا باليوميه ف مصنع ف السادات رايحين يشتغلوا اليوم ب 130ج .. واللي قا.هرنى اوى انهم نازلين شغل يوم الجمعة .. متخيل ظروفهم تبقي عامله ازاي .. متخيل ظروف اهلهم صعبه قد ايه مشافوش من الدنيا غير الشقي والتعب والهوان ياحبايبي لا بيرحوا مصايف ولا عندهم اماكن يتفسحوا فيها ف الويك اند ، ولا ف سبل راحه ليهم غير الكام ضحكه علي كام نكته بيصبروا بعض بيها حبايبي عرايس ف الجنه ربنا يعوض شبابهم كل ده بسبب سواق تريلا (عربية نقل) نام والعربيه دخلت منه علي الطريق المعاكس دخل في عربيه ميكروباص دمر_ها بكل ما..
إنتوا متخيلين ١٩ بنت زي الورد فى عز شبابهم ما بين ١٥ : ٢٢ سنة .. ١٩ بنت زي الورد شقيانين عشان يوميه ما تزيدش عن ١٣٠ جنيه عشان يساعدوا اهلهم و يجهزوا نفسهم ، إنتوا متخيلين إن بعد صلاة الجمعة طلع ١٩ نعش من مسجد واحد لأنهم كلهم من قرية واحدة .. ١٩ بنت زي الورد عشان مفيش حد حاسس بالمسئولية .. عشان الاهمال .. عشان مفيش ضمير
آدعوا لهم بالرحمة ، وربنا يصبر أهاليهم .
