كلمات الشاعر : رزق جادو
مصر.. دمياط
الغلاء ده كله ليه
الفقير هيعمل ايه
الهموم زادت عليه
خايف من يوم لو يجيه
لما تتكتف ايديه
والدنيا تسود في عينيه
ويبقي صيدة للغيلان
والغيلان طبعا كتير
بيعيشوا علي دم الفقير
مايعرفوش كلمة ضمير
هيصطادوه ويفصلوه
ويصنعوا منه الهوان
يعملوه ارهابي ماشي
تاجر سموم برضه ماشي يبياعوه أعضاؤه ماشي
عرضه شرفه دينه ماشي
كله ماشي كله ماشي
الظلم فاشي الظلم فاشي
كل ذنبه انه فقير
والفقير ذي الضرير
لو ماحدش خد بايده
سهل يقع جوة بير
ويروح ضحية مالهوش دية
ويبقي صاحب كام قضية
ويطلع عنه كام اشاعة
وتنتشر في نص ساعة
والسكا كين عليه بتكتر
زلازيل بقوة سبعة ريختر
والغريب من ناس جيرانه
اللي شافوا سنين هوانه
يقولوا عنه كان حرامي
وفاتح بيته للدعارة
وزوجته ست مش تمام
وبناته عشاق للغرام
وكان بيصنع القنابل
وكلام كتير حابل ونابل
ويبقي ضاع وولاده ضاعت ويبقي سيرةريحتها فاحت
والمرار يزيد مرارة
ياناس حرام ياميت خسارة
وهو كان الفقر طحنه
ياناس حرام ننهش في لحمه
الدموع في عينيه بتجري
كل عين دموعها تهري
عينيه بتبكي وتشكي حال عايزة تسال ميت سؤال
سؤال بالعين الشمال
ليه ياناس حالنا مال
سؤال بالعين اليمين
للحكومة والمسؤلين
هيقول لمين ويعيد لمين
هما فين وهو فين
يارب يامعين ياعليم
ارحم عبادك المستضعفين
كلمات الشاعر رزق جادو
كلمات الشاعر رزق جادو
مصر.. دمياط
