كلمات /صبري حسين
جدو يا جدو
بمناسبه الاحتفال
بذكري النصر
ممكن اسألك سؤال
ازاي يا جدو
بعد ما شوفته الاهوال
في حرب يونية الحزين
ازاي قدرت في ست سنين
تعبروا القنال
وتدكوا خط باريف الحصين
يا ابني
احنا في حرب يونية اتخدعنا
من قبل مانحارب انهزمنا
لكن الهزيمة دي علمتنا
اننا نستعد وناخد بالاسباب
ونسيب النتيجة علي مسبب الاسباب
من اول يوم بعد الهزيمة
اقسمنا لازم نرجع الكرامة
ولانترك بلادنا مهانة
مع كل طلعة شمس
نجدد مع انفسنا العهد
لازم نرجع الامجاد
يا ابني
من صغرنا
اهلنا علمونا
ان الارض
في غلاوة العرض
علشان كدة
النوم ما كان يعرف جوفنا
من اول يوم بعد حرب يونية
بدأنا حرب الاستنزاف
زرعنا في قلوب العدو الخوف
كنا بندخل جوة حدودهم
نقتل ونأسر جنَودهم
كنا بنحارب بغل
ازاي بس ارضنا باقدامهم تتنجس
واعلامنا كمان تتنكس
دي حاجة طيرت العقل من الراس
كل يوم من بعد يونية
انتصار ورا انتصار
قتلنا جوانا الانكسار
دوقنا حلاوة النصر
عرفنا العالم حقيقة جنود مصر
كل يوم نحقق نصر
الدنيا كلها في انبهار
بعد ماكانوا قالوا علينا وصلة للانهيار
وجيشنا تحت الصفر
والشعب كله تحت خط الفقر
لكن مين يقدر علي المصري
اشتغلنا بالعلم والصبر
التزمنا كلنا الصمت
لغايت ماجات لحظة الصفر
في ظهر السادس من اكتوبر
حلقت الطيارات
المدفعية عزفت اجمل الالحان
وجنودنا عبروا القنال
الكل في صوت واحد
الله اكبر الله اكبر
النصر لمصر
والمولي سبحانه نصرنا
ورجعنا رافعين راسنا
يا ابني
مهما اقول واعيد
دي ملحمة
لاول مرة اتجمعت الامة العربية
تحت راية واحدة
الارض ارتوت بالدماء الذكية
من كل ابناء العروبة
النصر يا ابني
عمره ما كان ضربة حظ
النصر جه بعد ما صلحنا من انفسنا
اخدنا بالعلم
تركنا الكلام
حرب اكتوبر
رجعت لنا الكرامة
حرب اكتوبر
كانت بوابة السلام
التفاوض كان من مصدر قوة
بالصبر والحكمة
اخدنا كل ذرة تراب
علمنا رفرف علي كل باب
سينا كاملة رجعت لينا
بالسلام حقنا دمائنا
اتفرغنا لبناء نهضة بلادنا
عشنا في امان
عرفنا الاطمئنان
حرب اكتوبر
هتفضل خالدة
ربنا يرحم الابطال
اللي خططوا واللي نفذوا المحال
مهما تمر السنيين
نفضل بجهدهم وفضلهم معترفين
ابطال اكتوبر هم احفاد ابطال حطين
راحوا فين التتار
فروا من قصاد رجالنا البواسل
مصر دايما هي الخط الفاصل
ربنا جعلها مقبرة للاعداء
يا ابني
افتخر انك مصري
رحم الله الزعيم مصطفي كامل
لما قال بكل فخر
لولم اكن مصري
لوددت ان اكون مصري
يا ابني مصر في رباط ليوم الدين
علي ارضها عايشين متحاببن
كلنا اقباط ومسلمين
الدين لله ومصر لكل المصريين
حب مصر بيجري في دمي
افدي مصر بروحي ودمي
صبري حسين