بقلمي
جلال محمد
/ كفرالشيخ
…….
قالو
الدنيا غابه
قولت والله إحنا غلابه
وبنمشي جنب الحيط
وبنخاف من زيد
وعبيد ونطاط الحيط
قالو إنت
شاعرالغلابه؟
قولت انا من الغلابه
و شاعربالغلابه
لإني منهم وهما مني
ااااااااااااااااٱه
الدنيا غابه
وبقي القوي
بيدوس ع الضعيف
بالتقيل والخفيف
فاكرين هنيجي بالتخويف؟
إحنا بنيجي بالحنيه
والكلمه الحلوه والملاغيه
وعشان إحنا غلابه
بنخاف من كلام الملامه
وأي كلمه بتأثرفينا
وبنخاف علي بعضينا
مش زيكم
بعتو الأصول والإخلاص
ضاعت ياناس خلاص
بعتوالأخلاق والمبادئ
ومش بيهمكم
مين العايب ومين البادئ
ولإمتي هنفضل كده
ف الدوامه؟
ومين هيشعربالغلابه
ف دوامة الغابه
…….
جلال محمد
٢٠٢٠/١٠/١٨
