بقلم محمود الدخميسي
******
يافجر الأمل هل علينا
بفرحه تشوفها عيونا
بشمس تنور ظلامنا
وبنسمه. تحنن قلوبنا
بعد الحياة ماقست علينا
**************
يافجر الأمل. امتي تيجي
تسكت لسان. قريبي إللي عامل حبيبي
كلامه جرحني.
لاكن. نقول إيه. غير إنه. قدري ونصيبي
بلسانه دبحني
لاكن سامحه. نمام يا سيدي
لا سمعنا صوته. ولاحتي
قال. كل سنه وانت طيب في عيدي
*****************
يافجر الأمل فينك
انتظارنا كتير. رجوعك
والعقل احتار في بعادك
وطول غيابك
*******
الليل العتيم. علينا طال
وسألنا أنفسنا. مليون سؤال
امتي تبدل الأحوال
ويتعدل بينا الحال
بعد ما عشنا. في الأهوال
وجمعنا من المال أموال
منها الحرام. والحلال
إللي راح منها راح
مابقي. غير الستر. من الستار
وسر الرحمن. أنوار
صلي صلاتك. تلقي الايام. أنوار
*************
يافجر الأمل هل علينا
فرح قلوبنا.
وشيل منها الحزن إللي سكنها
وشيل منها الحزن إللي سكنها
وغطي الجمال بالغبار
حتي اللسان. من كتر الهم. منع الحوار
عجزنا في عمر بدري
بعد ماكنا. طير طيار
واااه واااه. يازمن غدار
******************
ياشمس النهار فينك
مالك غبتي. مع الفجر إللي غاب
ولا حزينه علي الأحباب
إللي سكنو التراب
ولا. علي ولادك الأغراب
يافجر الأمل مستنينك
انت وشمسك
تفرح قلوبنا الحزينه