بقلم : كريمة الشقري
إحتياجي
جوايا مليون إحتياج ويمكن يزيد.
مش لأكلة أو لفسحة أو توب جديد.
إحتياجي أني أكون إنسان سعيد،،
ده شيئ بسيط مش بعيد.
إحتياجي لكلمة حلوة تمسح دموعي
ساعة رجوعي من يوم شديد.
إحتياجي لحضن دافي لود كافي
واحس أني مش وحيد.
إحتياجي لقلب صافي لخل وافي
لحب يجري في الوريد.
إحتياجي أني أحس أني غالي
وكرامتي أغلى طبعاً أكيد.
ومهما تكون بينا مسافة
عايزة أحس أني قريب مش بعيد.
