سحر ابوالعلا
لملم بقايا روحك
و ابعد عنهم
خدت ايه زمان
من قربهم
غير جرح فى قلبك
بيّن غشهم
حبة مواقف كشفوا
زيفهم
حبهم كان بس
صورة
كانوا مراية
لكن مكسورة
تعكس عكس
ما فى الصورة
كانوا من بعيد
زى الدهب بيلمعوا
و من قريب معدن
صفيح و لا ينفعوا
بس هى دي الحقيقة
و اتكشفت مع اول ضيقة
كدبت نفسك ياما زمان
و عميت نفسك عنهم
عشان ما تخسر ودهم
عمرك فى يوم ما
سبت حد منهم
و يوم ما جيت
تحتاج لهم
ملقتش واحد منهم.
لملم بقايا روحك
و ابعد عنهم.
#السلطانة