بقلم محمود الدخميسي
****/********
بنحلم نعيش*
حلمنا مش مستحيل
لاكن مشواره طويل
بنحلم نعيش*
واحنا أصلا علي. الدنيا ضيف خفيف
الحكايه مش حكايه رغيف
كبروه صغروه مش مهم
المهم. إننا نعيش
ابسط حقوقنا. ننام. في مكان نظيف
باب مقفول علينا.
مكان ما فيه حد غيرنا. يشاركنا فيه
ابسط حقوقنا. بنحلم نعيش
مجهود كبير قومنا بيه
علشان نعيش.
أنا عندي كرامه. ليه أكل من الزباله
ولا ابات علي الرصيف
كفايه اهانه. أنا علي الدنيا ضيف خفيف
المرض نهش في جسمي
والتعب نساني اسمي
حتي العلاج. مافيش
وإن زاد الوجع
كشف الدكتور. غالي
وأنا فلوس مافيش
النهار بيطلع. والشمس تسطع
وأنا بكد. واتعب
علشان نعيش
كل الحكايه. لقمه تسند الجسم. النحيف
بنحلم نعيش. بنحلم نعيش
وحلمنا مش مستحيل
ولا علشان غلابه.
يبقي ما فيش اجابه
معنديش. وساطه. توصلي صوتي
للرءيس. والوزير
هو دا حال الفقير
حلمه ابسط من البساطة
مش محتاج وساطه
انه يلاقي شغله
ولقمه حلوه. وينام في مكان نظيف
وعلاجه. يخده في الميعاد. ميستناش كتير
عرفتو ليه. بنحلم نعيش
كلمه فيها معاني. وكلام كبير
بينا. يا صاحبي. نفتح الباب الكبير
ونشوف الناس. محتاجه إيه
سقف واقع. ولا عجوز. مش لاقي حد يسأل عليه
الدنيا ساقعه. والبرد. قاسي.
والفقير. محدش ساءل فيه
الحكايه مش حكايه. بطانيه.
ولا كرتونه فيها. كليو لحمه. وشويه صابون
ولا خلاف. علي رغيف عيش. وحتي الطابور
الحكايه. إن فيه ناس. مهجوره. ومنسيه
ولا حد داري بيها في الدنيا ديا
بنحلم نعيش.
بعزه كرامه.
علي وشوشنا ابتسامه
من ناس بتهتم بينا
مش ناس بتعطف علينا
وتصورنا. تكسر عيينا
وتموت الحلم فينا
إننا نعيش. مستورين
قم ياغني اعطف علي الفقير
وشوف ناقصه إيه
من غير ما. تسأل إزاي وليه
بنحلم نعيش
ونفتح باب أمل
لناس جار عليها الزمن
ونوصل صوتها لكل المسؤولين
بنحلم نعيش
بنحلم نعيش. مستورين
احننا كده كده بعيشتنا. راضيين
بنحلم نعيش.
حلمنا مش مستحيل
نصالح الزعلان
ونفرح الغلبان
ونحسس الفقير أنه إنسان
وليه بنا كيان
دنيا وفيها كل الألوان
غني وفقير
وزير ورئيس
فيه ناس محتاجه
كلمه حلوه.
وناس محتاجه تأسيس
بنحلم نعيش
كلمه كلها معاني.
وحلمنا. مش مستحيل