- جبين الحياه والموت
كتبت د نجوان حسنى
عارف يعنى ايه انك تكون بين الحياه والموت
انك تكون روحك شفافه وطايره فوق فى السما
بتشوف اعمالك كلهاوبتحاسب نفسك ياترى عملت ذنوب كتير
اه زعلت من ناس كتير
عاملت الناس بكل موده
وكان ردهم نكران الجميل
وسامحت وجيت على نفسى كتير وكنت بقول معلش أنا قلبى كبير.
واستحملت وضعفت وتعبت وانكسر قلبى كتييير
…اه عملت…..!!وعملت……!!!وعملت…..!!!
أصلى أنا مخلوق من طين
صراع مابين الحياه والموت كله أنين
فى اللحظه دى بتدعى ربنا وانت كلك يقين يارب سامحنى إنك أنت الغفور الرحيم
فى اللحظه دى بس بتحس أد ايه الدنيا دى صغيره أوى أوى..ومش مستاهله خالص انك تزعل على أى حاجه ولا من أى حاجه ولا عشان أى حاجه..حتحس انك أصلا ولاحاجه…..
انت روح بس مرفرفه ..روح جميله اتخلقت بس عشان تحب كل حاجه حواليها
بنتخلق كده ارواح جميله طاهرة بريئه
هيه دى الحقيقه
بس لازم كل يوم تحسس نفسك بكده انك ممكن فى اى لحظه تكون دى آخر لحظه حتعيشها فى الدنيا
خلى روحك شفافه طاهرة بريئه زى ما ربنا خلقها…ماتشيلش فى قلبك أى حاجه وحشه لأى حد وسيب ربنا يدبرلك امورك ويشيل عنك همومك
اتعامل انك مفارق ورايح عند رب كريم
حيغفر لك وحيسامحك حتى لو كانت ذنوبك كتييبير..
انت مين …وسط هذا العالم الكبير
انت مخلوق
ضعيف….سامح ..اغفر.
مهماحصل..أعمارنا قصيره…….لاداعى للتأجيل..
