{1}
بيسيب ..
بيرتعش ..
بيشد ..
وقته من الزمن..
المحن بتجيب محن،،
والفرق بين الحزن ،،..
والفرح ابتسامة قلب!
الغيره مره،،
وانتى..
اللى حلّيتى الحياه
صحيتى..
غيرتى الحلق مرر،،
والشوق..
طفى شموع الحنين،،
والدمع مطَّر عالجروح. .
من كلمتين فوق احتمالى!.
{2}
اللى شايله..
القلب ليها..
فوق خيالها..
صعب تتهجاه ..
حروف نطق البشر!.
واللى خايفه..
منّها خوفى عليها..
انا بين ايديها ،،
وهى..
مش فاهم شعورها
بس حاسس بيه!.
{3}
ايه الحكايه ..
الصورة بين..
كل اللى فات ..
تشكيلها واحد!..
خدنى الغرام..
ردنى مشقوق…
ولاقالى..
خدنى بأي حق ،،
ولا عنده حق يشقّنى!.
كله الا دى..
ديما شايفها..
ومش شايفها..
بتحسها..
ف البعد ناسيه،،
وتشوفها ينساك الكلام!.
{4}
اخلص لكله
إلّا نفسي!..
خوفى..
على شعور البشر..
رمانى بصوان الحجر،،
وفضلت ساكت..
واما حبيت الحياه..
زودتى خوفى ،،
وارتعش قلمى،،
وحروفى اتشخبطت..
مع انى..
من قبلِك ف وحده..
كنت مش حاسس..
بغربه من الفراق!.
{5}
ازاي ..
ف بعدك عن عنييه؟..
تتغرب الروح عن جسد..
ياما حضنهامن الغرق ..
ف دموع جروحه؟.
مستغربٓك ..
مستغرب..
العالم ف شكله!..
من قبل ما المس ,,
ولحد..
اخر شئ لمسته..
ساكت..
ف اوقات الحنين..
مستنى مين؟..
معرفش لكن..
جوّايا ..
شئ مستنى وقته؟.
