37
لِيلي و الفجر….
سحر ابوالعلا
لِيلي و الفجر اللى خاصمه و راح بعيد.
ساب سعات الليل تطول.
ليه يا فجري بقيت عنيد.
ليه تسيب حلمي اللى تايه.
فى عتمة الليل الطويل.
ليه تسيب قلبي اللى حاير.
فى ليل حنين اصبح عليل
ليه يا فجري بقيت بخيل
ليه بتحجب عنى نورك
ليلي طال بستني ظهورك
من بعيد بلمح طلوعك
امد ايدي لجل اطولك
القي ليلي غطا نورك
قوم يا فجري أمانة
شق عتمة ليل حزين
وابعت نورك خلّي حلمي
يلقى وياك الدليل.
نقاش حول الموضوع الحالي