27
كلمات الشاعر عبد السلام بدر
الوادي اخضر
وله دوله وصاحب دور
للانسانيه
بناها اهرمات وقصور
اسأل تاريخنا
يقولك فوق طريقنا حياه
وشعب وحد
وعلم والكفاح نماه
وكان كل الوجود غفلان
والفجر شأشأ
علينا من زمان وزمان
وازاي حكمنا
وكان الحكم شيء مجهول
ومين سائل ومين مسئول
نظمنا بيتنا
نظامه ع الزمن مشهور
والوادي اخضر
تقول ساحر واقول مسحور
اسأل تاريخنا
يقولك عن كتير علامات
ازاي سافرنا
وشقينا البحور مسافات
وازاي تاجرنا
ورسمنا العمله للتجار
وازاي صنعنا
بدعنا مالتراب فخار
ولان فأيدنا
الحجر لما اتعمل تماثيل
وفالمعابد
عزفنا عالوتر تراتيل
تشوف دا كله
وثابت عالحجر محفور
الوادي أخضر
تقول ساحر واقول مسحور
اسال تاريخنا
يقولك عاش لمصر وكان
لبسو الفراعنه
وكان كل الوجود عريان
بدعو الكتابه
وقروها والفلك عرفوه
ظهر علاجهم
وللجرح الدوا وصفوه
والحكمه كانت
لنا في كل حته حكيم
والفن فني
وكان العلم والتعليم
للآن تفتش
تلاقي القصه والمشهور
والوادي اخضر
تقول ساحر واقول مسحور
الوادي اخضر
ومتغندر وزاهي اللون
من يومه يَبَني
وحيبني وكان وياما يكون
صرح الحضاره
زمان قايم بفكر جديد
فايدين صنايعي
وفاهم سكه التجديد
بيقيم كباري
لاكتوبر دليل بطولات
لحرب كبري
وكنا المنتصر ف ساعات
عظيم يامصري
ومارد من عصور لعصور
والوادي اخضر
تقول ساحر واقول مسحور
نقاش حول الموضوع الحالي