وهحزن ليه ؟!!! مانا مُت خلاص !!!
ونسانى وفارقنى أعز وأغلى الناس !!!
قلبى معاه ومليش قلبين …
حكاية وخلصت … مفيش بعدين
يومي خريف ، بطيئ وسخيف
كئيب واحد من يجي 10 سنين !!!
عايشة الذكرى ، مفيش بكرة
مفيش أحزان ، مفيش ألوان
مفيش ولا حاجة ع فكرة !!!
كله تمام !!!
عايشة ف حب وخير وسلام !!!
نفسى بس …
أبطل فِكر …
أبطل دمع …
أغمض عيونى وأنام !!!
لا عمرى نسيت …
ولا حتى قسيت …
يا ريتنى ما كنت مشيت !!
يا ريتنى كنت إستنيت !!
يا ريتى قبل ماسيبك …
وأمشى أنا كنت إتشليت !!
معاك وبين أيديك أمرى ،
فداك اللى فات …
واللى جاى من عمرى ،
بدون تفكير ، مفيش تغير
أنا هكدب زىّ مبكدب
عليك دايما وهقولك
من غيرك أنا هبقى بخير 
