الخيانة ياعزيزي ايبك … كانت وستظل السبب في كل الكوازث
بقلم : دكتور منير الجنزورى
الخيانة كانت السبب في مقتل القادة من الملوك
والامراء والرؤساء والزعما، فى كل زمان ومكان
العميل الخائن بلطاي وصل مصر قبل التتار ….
وعاش وسط الناس
وكان له بيت فيه برج حمام زاجل
بيستخدمه لمراسلة التتار ونقل اخبار المصريين.
وبعد فترة انضم الى مجموعة المماليك
وقام بتجنيد واستقطاب كل العناصر واشتراهم بالمال
وبالتالي كان من السهل عليه الوصول للمعلومات
بسبب اطمئنان المصريين له
وعدم وجود ما يدعو للشك فيه
بلطاي قام بدوره الفنان فريد شوقي في فيلم وا أسلاماه
بلطاي ساهم في إغتيال
كل القادة العسكريين والسياسيين في البلد
وصولا إلى ( أيبك – اقطاي – شجرة الدر )
كما إشتغل على نشر الشائعات والإحباط
وسط الناس وتخويف المصريين وارهابهم من التتار
وفي يوم المواجهة …
كان فى استقبال التتار اثناء دخولهم مصر
وكلنا يذكر المشهد الواضح بتاع ( كتبغا المغولي )
وهو بيتفاوض معاه وساعة ما مشي قال لجنوده
( لو شوفتوه ف المعركة اقتلوه. )
مشهد يعبر عن جزاء الخيانة
وفي مشهد أخر
نراه وهو يخترق صفوف الجيش المصري
وكأنه خائف عليهم و يحذرهم من اقتراب التتار
خلاصة القول ياسادة ياكرام
لولا وجود بلطاي وأمثاله من العملاء والخونة
ما استطاع التتار تفتيت الجبهة الداخليه
ولولا وجود الأبطال من الجيش المصرى
لما صمدت مصر امام التتار ولما انتصرت عليهم ..
هل وصلت الرسالة ياسادة ياكرام !
بلطاي هو العميل الكاره لوطنه
بلطاى هو الشيخ المتاجر بالدين
بلطاي هو رجال الاعمال المحتكريين الفسده
بلطاي هو الخلايا النايمه بيننا
بلطاي هو السوس اللي بينخر في عضم البلد
بلطاي هو العدو الخفي وانت فاكره وطنى
بلطاي يا سااااااااااده أخطر من التتار
التاريخ سيظل يعيد نفسه
و(بلطاى) مازال عايش بيننا
حمى الله مصر أرضا وشعبا
