الشقري ……..قول أمي!!
.
بقلم الكيميائية / كريمة الشقري………
.
لو سألوك عن الكلمة الحلوة . قول أمي .
وعن الدعوة إللي م القلب طالعة . قول أمي .
عن كل حاجة صافية وطاهرة . قول أمي .
ومين اللمة بيه تحلى..؟ .قول أمي .
ومال قلبك ماليه الخوف؟ قول فارق حضن أمي .
وعيونك ماليها الدم؟ قول وحشتها صورة أمي .
إنتي ياأمه الحضن إللي كنت برمي فيه همي .
وأطمن وأنام وأحلم وأنا عارفة إن فيه أمي .
وأنا عارفة إن فيه قلب حيشيل الأسى عني .
ولوضاقت عليا الدن كنتي ياأمه تضمي وتسمي
وكنت أعلى وأنا بخض وأطاطي أبوسأيد أمي .
أنا ياأمه بشوف صورتك في وش كل أم حنون .
وأتونس وأجيب سيرتك عشان همي ياأمه يهون .
ومن بعدك وبفراقك ضاق ياأمه عليا الكون .
ياإللي معاك أمك أوعاك تفرط يوم فيها .
ولوبعت الوجود كله خليك دايما مراعيها .
نول منها الرضا وأسهر وكون تحت رجليها .
والله ماتقدر على الحسرة ياإللي ماكنت ترضيها ,
داأنا ياأمة لو ترجعي أفضل تحت رجليكي .
ولو حسهر عمري كله حقك ماأوفيكي ..
