بقلم / رنا العربي
حبيتك حب ملوش حدود بعد ما كنت حالفه ما ادخل قلبي يوم حب
شوفتك صومت ثلاث ايام تكفير حلفان منا وقعت فيك من أول نظره ومن أول كلام ،معرفش ازاي جيت خبطت علي قلبي ودخلت حتي من غير استئذان ، مفتحتلكش حتي ولا قولت مين وعاوز اي
جيت دخلت على قلبي وسكنته ، قفلت علي نفسك بمليون ترباس
كنت دايما بقرا الروايات وأحيانا كنت بألفها بس عمري ما عشتها
معاك عشتها معاك عرفت طعم حلوها ، أوقات بيبقي في توابل الحب خناق ومشاكل واهو قالو الحب بيتعرف لما ننزل الخناق والمشاكل زي البحر طول مانت واقف براه مبتحسش بطعم حلاوته غير لما تنزل وتصارع مع الموج ، وتعرف قد اي هو حلو
نفس طريقة حبنا معرفناش قيمتها وحلاوتها غير لما حصل مشاكل وحكايات وخناقات وكل مره كنا بننام والضحكة علي وشنا عمر مره ما نمنا واحنا متخانقين أو عمرك مره ما نيمتني حزينه ولا حتي قلبي بيتكسر ، كل مره بنتخانق اوقات بتيجي تقولي احنا صحاب تعالي قوليلي اي خانقك … تعالي قوليلي وانا صاحبك …
عمري مهنسي كلامك ليا وتقولي دايما *انا حبيبك … انسي دلوقتي اني هبقي أبو ولادك … انسي اني هبقي جوزك وتعالي احكيلي ، تعالي عشان تتعودي بعدين تجري علي حضني من غير خوف ، تعالي عشان في المستقبل لما يتقفل علينا باب متبقيش خايفه من العذاب نبقي صحاب وكل حاجه نحلها بهدوء*
قولت كلمتين كان نفسي اسمعهم من زمان منك انت سمعتهم من قلب اختارته وحبيته حبيته حتي كلمه قليله دا انا يا ناس عشقته
عشقت تفاصيله الصغيرة ، طريقة لبسه تسريحة شعره حتي ألوانه المتشابهه بعرف اميز كل حاجه فيها ما انا مراته … اه لسه المأذون وورقته ومنديل عليه اسامينا نحفر حبنا عليه .. ولكن …!
الجواز دا عهد .. كلمة الحب عهد .. كلمة بحبك عهد .. بس العهد راجل يعرف معناه ويتعامل علي أساسه وانت كنت ليا راجل وسند عمرك في يوم ما مليت …
او قولت دي طفله مش هتفتح ليا بيت …
كنت دايما سند وضهر دايما ليا نعم الزوج والصديق والحبيب …
فاضل كام شهر ونكتب كتاب وابقي مراتك رسمي
حطيت في ايدي دبله وقولت دي هي البداية …
حطيت في ايدي دبله وقولت دي الأمان …
بيها محدش يقدر يقربلك انا راجل وفضهرك كام شهر ونكتب الكتاب كام شهر واترحم من كلمة بيلعب وبرغم تأكيدي ومعرفتي الفرق بين راجل حب وعيل بيتسلي بكلمتين انا عارفه معني الراجل عارفه اني حبيت راجل عارفه الفرق بين عيل بيتكلم وبيحكي وراجل وقت ما حبيبته تتوجع عينه بتتملي بالدموع عارفه الفرق بين راجل حب وبيغير من عيل مش هقول راجل لان كتير بشنبات لكن قليل من يعمل بيه … عيل عاوز حبيبته تكون احسن شكل بس .. مش مهم لبسها اي ولا حاطه اي المهم انا حبيبتي ماركه عاليه واحد كل يوم مع بنت شكل بيحكي لصحابه عنها لكن انت خليتني *جوهره*
حبيتك وجوه القلب خبيتك .
