حسن حفني هرم الرجولة
ما أغلاك وما أرخص الدمع حتي لو من ماس ،لأنه لا يرجع حبيب عزيز غالي
بقلم الشاعر/ حارس بخيت
أبكي يا قلبي علي إللي راح
دا إللي راح حسن وزين
ملي القلب ألم ونواح وجراح
ومنين أجيب تاني زيه منين
الدمع فاض والقلب مجروح
آه لما يبكي القلب قبل العين
عيني علي بكي الرجال ممدوح
لما يكون الميت راجل زين
ينزف قلبي دمعه كطير مدبوح
حزن وألم وفراق باقي السنين
أسد الرجولة يا قلبي راح
حسن حفني ليك مش ناسيين
يموت الزين وتزيد الكلاب نوباح
يا تراب القبر خليك حنين
خلي الغالي حبيب القلب مرتاح
راجل زين وعطر عمله فواح
مش هنساك مهما طالت السنين
لما يحين الأجل وأموت وأرتاح
ونتقابل عند الله كروحين
هناك العمل ربح من الأرباح
لا حقد ولا حسد ولا عين
ولا فيه من البشر أشباح
مع الملايكة ما فيش شياطين
يا حسن يا أبو عطر فياح
تحت عرش الله رب العالمين
نام ياحسن وأرتاح
ومين زيك يا حبيبي مين .
