بقلم إيڤيلين موريس
لقطة تسوى ألف لقطة
لقطة فيها كلام كبير…
فيها ضحكه وفيها بسمه ..
فيها حضن ملاك صغير…
لامس بأنامله خد ورده …
وجه أم مليان بالخير …
راضية بعيشتها وحياتها…
شاكره رب عظيم قدير …
بالرغم من بساطة هدومها…
ويا التفاصيل الكتير..
في مكنسه وترابيزه هالكة…
والحيطان تحكي المرير…
والشباك قافل بالعافيه…
والحذاء بالي وقديم…
لكن الفنان رسمها …
واداها طابع رقيق…
بفنه حرك قلوبنا …
و بريشته حكي فيها الكتير …
