كتبت : نجلاء يعقوب
بدأت النائبه مايسه عطوه كلمتها قائله سعدت اليوم بحضوري بدار الهلال انا ونائبات مصر الفضليات وكتله ستات وشباب اد التحدي
بدأت النائبة مايسه عطوه كلمتها أثناء الصالون الثقافي بدار الهلال بشكرها للأستاذة سمر واثنت على حبها هذه السيدة المصرية الأصيلة لأنها بنت مصر الجدعة، في البداية عايزة أقول لمصر مبروك يامصر في زحمة الأحداث الجارية وفي العالم كله مصر ماشية بثبات مصر ماشيه بتنفذ كل الاستحقاقات في كل الدول بكل أمان وسلام وده بفضل الله وفضل قيادة سياسية رائعة عارفة إزاي تحمي بلدها وشعبها وشعب عظيم واقف في ضهر الوطن، والنهاردة بقول لمصر مبروك للنماذج اللي هتشرف مصر النماذج الرائعة الأستاذة فريدة الشوباشي أختي وحبيبتي والدكتورة صبورة السيد أختي وحبيبتي وبنتي حبيبتي الدكتورة ثمر وبنتي حبيبتي الأستاذة هند وغيرهم كثير صدقوني أنا مبهورة بالنماذج التي دخلت البرلمان هذه المرة وان شاء الله اللي جاي أحسن وان شاء الله هنخدم بلدنا أكثر وأكثر
أنا عايزة النهاردة اقولكم ان كتلة ستات وشباب اد التحدي دول لوحدهم برلمان لوحده، ويمكن النهاردة أنا جاية مخصوص عشان ارد الجميل ليهم واقول للناس الجميلة دي زيكم زي أقوى حزب في مصر حزب مستقبل الوطن أنا بقولكم انتو شرفتوني وشرفتوا بلدي وشرفتوا حزبي لأن اللي انتو عملتوا معايا انضاف لرصيدي في حزب مستقبل وطن وبقولكم أنا فعلاً مدينه ليكم ولمجهوداتكم العظيمة، واوعدكم في المرحلة الجاية هيبقى رد الجميل ليكم انتو أنا والسادة النواب يجب أن نثبت للناس ان إحنا جمب ولادنا وجمب اخواتنا، أنا مبسوطة إن أنا دخلت مرة أخرى للفترة الثانية ومتكدبش عليكم أنا كنت قلقانة بس لما انطلبت وقالولي انتي معانا أنا انبسطت اوي حسيت ان مجهودي مراحش
هدر، وإن تعب الخمس سنين اللي فاتوا مراحش في الهوا ساعتها بس حسيت ان انتم في ضهري وانتو السبب الرئيسي إني ادخل البرلمان من تاني والدكتورة صبوره عرضت عليها تمسك نائب رئيس الكتله وبصراحة من كتر عطائها وشغلها قولتلها ان شاء الله هتكوني في البرلمان من كتر عطائك والشغل اللي بتأديه وده طبعاً رجع لشغلها ومجهوداتها فابتسمت وقالتلي برلمان إيه أنا مش بتاعت البرلمان حتى ذكرت ان الدكتورة صبورة عندما تعمل عمل خيري وتشيد بيها طلبت مني متقوليش أنا عملت قولي كتلتنا هي التي عملت عشان أنا مبحبش حد يقول صبورة دفعت أو عملت خير وهنا فعلاً دي بنت مصر اللي خايفة على مصر وفي ضهر مصر
كما ذكرت أنا عن نفسي نفسي ارد الجميل لعمال مصر وهما دول اللي اتحملوا البلد ووقفوا في ضهر الريس واقتصاد البلد ومقالوش إحنا مقبضناش ولا قالوا يا ريس إحنا عايزين وعايزين النهاردة هما بيحصدوا نتيجة عملهم بس في شوية قوانين يجب أن تتغير وأنا بعترف بهذا لأن في قوانين اضرت بالعمال
قانون التأمينات الاجتماعية ان شاء الله سوف يتغير ويكون من أولى أولوياتي اللي حصل في قانون التأمينات إحنا حافطنا على أموال المشتركين في التأمينات أيام الرؤساء
قانون الأحوال الشخصية للحفاظ ع الأسرة أنا مش هاجي على بيت مش هاجي على راجل عشان خاطر ست ومش هاجي على ست عشان راجل أنا كل همي هو الحفاظ على الأسرة عايزة الطفل ده ينشئ في البيئة السوية ويحس إنه في أمن وأمان وبإذن الله تعالى بيكم ومعاكم هنحقق حاجات كتير ان شاء الله
