بقلم إيڤيلين موريس
فارس من بلاد خايبان
عاشق وعشقه مرسوم علي البيبان..
عابر سبيل بيقضي ليله حزين..
موسوم بعشقه ..
وف عشقه ماله نصيب…
وف قلبه غنوه …
ألحانها شوق وحنين..
نصيبه منها الشوك…
بيدمي في قلبه سنين …
وهي
حايره في عشقه ودايبه زَيُه حنين ..
لا شايفه زيه وكأنه مش م الطين…
ف عينها رَسمُه وخايفه حبه يبان …
وف قلبها صورته وكأنه ورده في بستان …
أما نصيبهم م الحب..
ف كلمه ليها جناحين..
حروفها صافيه بتسعد القلبين..
القلب ينطقها والعينين الاتنين ..
والكلمه واحده ..
جمعت حبيبين…