كلمات/صبري حسين
تعال اتفضل
فنجان قهوة
اشرب اعدل مزاجك
اقلب فنجانك
هات ناولني
تعالي قرب مني
ياه فنجانك بيحكي عنك
بيوصف كل احوالك
في اللي جري واللي لسه هايجرالك
باين في حزنك
مرسومة جواه كسرة قلبك
تعال بص بعينك
بتحب واحدةمن كل قلبك
لكن اللي بتحبها مش بتحبك
قلبها مع غيرك
طريقها غير طريقك
في واحدة تانية
اهي واقفة مستنية
بتتمني منك نظرة
بتحلم بكلمة
مش شايفة في الكون كله غيرك
في واحد بيبص عليها
ليل ونهار بيحلم بيها
هى كل حياته
مستعد يبيع عمره عشانها
هى عنده كل الدنيا
هى ولا حاسة به
قلبها بيعشق قلبك
بتمنى قربك
انت بتتمنى غيرها
غيرها بحبك مش حاسة
هى دى الدنيا
اللي نحبه يحب غيرنا
اللي يحبنا بندور على غيره
كلنا ماشين بالعكس
مافي حد داري بحد
ياريت تراجع نفسك
قرب من اللي بيحبك
سيبك من اللي مش فاهمك
انا مش بقول حاجة من عندي
ده كلام فنجانك
تعالي بص بعنيك
تلاقي ملامحك مرسومة
انا خلاص خلصت كل كلامي
قلت كل اللي ظهر قصادي
عاىزة الحقيقة
كلامك وجعني
في كتير من الحقيقة
بس انتي مش جبتي حاجة جديدة
طول عمرها الدنيا كدة
عمرها ما أعطت لحد كل حاجة
هو ده حالها
اللي تحبه تلاقيه يحب غيرك
غيرك بيحب اللي يحبك
ساقية كلنا دايرين فيها
عمرنا ما نوصل ل اسرارها
سبحانه مقدر اقدراها
يارب الطف بينا
للخير والحق اهدينا
بلا فنجان بلا غيره
الأمر كله ب ايده
سبحانه ربي مالنا غيره
صبري حسين
