كارهانا ليه
شعر سمير الغباشى
كارهانا ليـه
واحنا إللى عاشقينك
يايعانا ليه
واحنا إللى شاريينك
احنا إللى سال دمنا
يملأ ميادينك
احنا إللى عشاقك
وفلاحينك وصناعك
ولما يزيد الظلم
بنبقى ثوارك
نغديكى بالغالى
ونموت ولانبالى
ويصير لهيب حبنا
يضوى فى قناديلك
كارهانا ليه
.. ……………………
ياسمرا يانبض الحياة
فى البعد ليه عنك
نفضل نقول الآه
الدمعة على الخدود
والقلب ما اضناه
نرجع نبوس التراب
ونرتوى بنيلك
كارهانا ليه
واحنا إللى عاشقينك
. ……………………….
عشقك فى قلبى نبض…
من يوم انا ماوعيت……
ولغيرك ياعشقى الوحيد
أنا عمرى ماغنيت……..
ومهما يكون الغدر …..
برضه انا اتحديت ….
نرجع يفيض دمعنا…..
ويملا مناديلك………
كارهانا ليه……………
واحنا إللى عاشقينك
