ياهُمام !! ….
بقلم : الشاعر سمير احمد القط
——
يااااااخينا ياهُمام
المناصب مسئولية
مش بصورة او كلام
وضحكة صفرا او تحية
او بكلمة والسلام
وابتسامة وتمثلية
ليه تخلى النور ظلام
ليه بتجنى سوء العطية
ليه مرار كاسك مُدام
ليه تخون المسئولية
بعت ناسك.. قول بكام
ياخسيس ده الموت شويه
بكرة تسال ع العوام
الجزا جنس العطية
اما جنة ويه سلام
او خلود في نار عتيه
فوق يا اخينا ياهمام
واتقى ربك شويه
والتفت وارعى العوام
مصر ياابا مش وسية
منصبك عمره ما دام
والكفن خالى العطية
واللى باقى مسك الختام
ذكرى باقية م اللى هيه
تشفع لك يوم الزحام
يوم حساب رب البرية
شوف حماها مين تمام
البطل مايخاف منيه
نسر جامح ع الدوام
شال بجيشه المسئولية
عاد بمصر للسلام
وقال بحبك يابهيه
تحيا مصر مش كلام
لأ.. بقوة ورجال عفية
