( أعلن اعتزالي)
كلمات /صبري حسين
بأختياري
اعلنت اعتزالي
عن كل اللي عن حالي
موش داري
اللي بيزعل من سؤالي
اللي مخنوق من اهتمامي
قدمت الف مليون سبت
عمر الحد ماعرف عنواني
على ايه اتعب حالي
احرق في اعصابي
انت عني غني
انا عنك أغني
احسن حل اقفل على
اهتم بحالي
هى دى نهاية اقوالي
انا موش محتاج علاقة
مبنية على الشفقة
انا عايز علاقة واضحة
صداقة
أخوة
محبة
اهتمام يقابله اهتمام
احترام باحترام
ملعون ابو الكلام
ملعونة مليون مرة
كل علاقة مبنية على الكلام
أسأل
تسأل
اغيب ولا تهتم
ايه هو انا ما عنديش دم
لا يا عم
بناقص علاقتك اللي تغم
علشان كدة اخت قراري
أعلنت اعتزالي
اكتفيت بنفسي
قفلت على بابي
ربنا يقدرني
برجلي ادوس على قلبي
عمري ما افكر في اللي بيتجاهلني
هابعد عن كل اللي بيبعد عني
خلاص موش هادور على حد
اهتمامي هيكون له حد
اللي يقدرني اعمله تاج على رأسي
شبعت من حلو الكلام
من اليوم نفسي ثم نفسي ثم نفسي
نهاية القول الاهتمام بالاهتمام
لا مكان لعتاب ولا ملام
على اي علاقة السلام
ده أخر كلام
باختياري
أعلنت اعتزالي
عن كل اللي يؤذيني
عن كل اللي يتعب قلبي
أعلنت اعتزالي
عن كل اللي يتجاهلني
عن اللي مايقدرني
اظن ده من حقي