احنا عشاق الحياة
سمير الغباشى
حزينة أرصفة اشوارع…….
حزينة احجار الكنائس……
والجوامع والصوامع …….
حزينة جدران البيوت…….
الوقت مش وقت السكوت
يامصر ليه فى كل سكة ..
نمشى فيها نلاقى موت….
نضحك نموت ……………
نحزن نموت…………………
نلعب نموت…………………..
وكأننا انخلقنا ياحبيبتى…..
بس عشان نموت……………
عاوزين نموت على الحدود
نموت فدا أرض الجدود…..
نموت فداكى وف حمامى..
ضباط كنا او جنود…………
لكننا دلوقت بنموت…………
فى الملاعب ………………
وفى الكنايس والمساجد ..
بنموت ركع او سجود……..
يامصر قومى ولملمى…….
ف لحم الولاد …………….
واخلعى توب الحزن……….
عن جسمك الطاهر…………
وافرحى زى البلاد ………..
هنعيش على أرضك اسود…
وكل حى وله ميعاد ……….
كرهنا ألوان السواد…………..
ومش هنعلن الحداد………….
وبكرة لازم يبقى فرحة …….
نشوفها فى عيون الولاد ……
والوقت مش وقت السكوت..
هنقولها تانى بعلو صوت……..
احنا حابين الحياة ……………
احنا مش عاوزين نموت……….